البرت اينشتاين

البرت أينشتاين (Albert Einstein, ‏نطق ألمانى:‏ [ˈalbɐt ˈaɪnʃtaɪn]‏ (اسمع) (مساعده·معلومات))‏ (14 مارس 1879 – 18 ابريل 1955) هو عالم فيزيائي ألماني الأصل، مشهور في الأوساط العلمية وحتى المش علمية انه من أعظم علماء الفيزيا النظرية في العالم، ابحاثه كانت السبب في الوصول لحاجات كتيره من الاختراعات والتكنولوجيا المتطورة الموجودة دلوقتي، زي ابحاثه حوالين الذرة واستخدامات الطاقه الذريه و كمان كانت أبحاثه للأسف من اسباب اختراع القنبلة الذرية، وكمان أخد جايزة نوبل سنة 1921 لخدماته العظيمة في مجال الفيزيا النظرية، وبالذات لأبحاثه في ظاهرة فوتو إليكتريك ايفيكت (Photoelectric effect phenomenon).

ولكن لأينشتين أبحاث تانية كتيره بعيده عن مجال الذرة (atom) ويمكن أشهرهم نظريته النسبية العامة (General relativity) والنسبية الخاصة (Special relativity)، واللي افترض فيهم ان السفر فى الزمن (time travel) ممكن علميا إذا سبقت سرعة الجسم سرعة الضوء، وعن طريق النظريتين دول بنى معادلته (Equation) الشهيرة


الطاقة الناتجة (Energy) = الكتلة (mass) * مربع سرعة الضوء ‎(speed of light)‎2
طا = ك * ع تربيع